“Familja e 35-vjeçarit, Konstandinos Kacifas mund të tërheqë sot trupin e djalit të saj”, kështu shkuhej një ditë më parë në media.
Por, sot mediat greke shkruajnë se kjo është një gënjeshtër e cila ka qarkulluar që dje në mediat shqiptare.
Duke iu referuar avokatit të familjes së Kacifas, ata citojnë se ai ka thënë se kjo është injorancë.
Të hënën, familja paraqiti një kërkesë të dytë për marrjen e trupit për ta varrosur. Por deri më tani, sipas E. Nafridis nuk ka marrë asnjë përgjigje.
“Unë pashë se shumë media po shkruan se Shqipëria do t’i dorëzojë sot trupin e Kacifas familjes, por deri më tani nuk kam arritur të marr një përgjigje”, tha ai në emisionin e mëngjesit në ANT1.
“Është shumë herët për të përcaktuar nëse do na japin ose jo trupin e tij”, tha avokati i familjes, Efthimios Navridis. Ai theksoi se familja nuk ka ndonjë informacion të rëndësishëm se do të tërheqë sot trupin.
Megjithatë, mediat shqiptare raportojnë se sot familja do të jetë në gjendje të marrë trupin e 35- vjeçarit. /TIRANA TODAY/
