Kryeprokurorja e përkohshme, Arta Marku ka nisur punën me një tender udhëtimi, pasi vendimi i parë që ka firmosur, bën fjalë për një procedurë tenderuese në vlerën e 150 milionë lekësh të vjetra.
Drejtuesja e këtij institucioni është zgjedhur gjatë ditës së hënë, mes sherrit dhe përleshjeve si brenda ashtu edhe jashtë ambienteve të parlamentit.Arta Marku në votimin e ditës së hënë është zgjedur me votat e Partisë Socialiste duke përjashtuar opozitën nga ky proces. Gjatë kohës që Arta Marku do të qëndrojë në krye të këtij institucioni, ka planifikuar të udhëtojë në disa vende të botës, brenda një periudhë 2-vjeçare.
“Kombinews” siguron dokumenta se kryeprokurorja e re ka akorduar një fond prej 150 milion lekë të vjetra, për të blerë bileta të transportit ajror ndërkombëtar, për Prokurorinë e Përgjithshme.
Procedura tenderuese është hapur vetëm një ditë pasi Marku ka marrë zyrtarisht detyrën, me datë 20 dhjetor dhe sipas parashikimeve pritet të mbyllet me 12 janar të vitit 2018.Sipas dokumentacioneve, thuhet se Prokuroria e Përgjithshme, nuk mund të bëj planifikimin e udhëtimeve që do të bëjnë punonjësit e Prokurorisë së Përgjithshme, pasi për nga vetë natyra e këtyre aktiviteteve, vendi dhe numri i punonjësve caktohet, vetëm pak kohë para zhvillimit të aktivitetit.
Prokuroria e Përgjithshme thuhet në dokumenta “…nuk mund të përcaktoj sasinë totale të biletave, vendin (destinacionin) dhe datën e udhëtimeve…”.
“Blerja e biletave të transportit ajror ndërkombëtar për punonjësit e Prokurorisë së Përgjithshme, do kryhet sa herë do ketë nevojë konkrete Prokuroria e Përgjithshme…”-thuhet në dokumente.Më tej thuhet se “…ky shërbim do të kryhet në të gjitha kontinentet e botës si destinacione të mundshme.
Në lidhje me afatet e ekzekutimit të këtij fondi financiar, kryeprokurorja e përkohshme Marku ka parashikuar një periudhë dy vjetore duke filluar nga data be nënshkrimit të marrëveshjes. TIRANA TODAY
