Zgjedhja e kryeprokurorit ka vënë në lëvizje strukturat dhe organet e komisioni të ligjeve. Sapo është miratuar raporti për shtatë kandidatët, të cilët dy ditë më parë kanë shpalosur programet e tyre nëse do zgjidheshin në krye të këtij institucioni.
Raporti në fjalë do t’i përcillet Kuvendit të Shqipërisë.Kreu i Komisionin parlamentar të ligjeve, Ulsi Manja ka lexuar emrat e kandidattëve si dhe ka përmendur disa të dhëna për ta.
Kandidatët të cilët i plotësojnë kushte për Kryeprokuror të përkohëshëm:
-Ferdinand Elezi
-Arta Marku
-Ermira Tafani
Manja tha se katër nga shtatë kandidatët nuk i plotësojnë kushtet për të marrë postin drejtues të Prokurorit të përkohshëm. Kandidatët të cilët u skualifikuan nga gara janë Artur Selamni, Granit Shahu, Arqile Koça dhe Besnik Muçi.
Shtatë kandidatët në garë dhe të dhënat në lidhje me kualifikimet:
Arqile Koça – Nuk ka gradë shkencore, është në proces të marrjes së titullit, s’plotëson kushtet
Arta Marku – Ka mbaruar shkollën e magjistraturës dhe ka gradë shkencore. I plotëson kushtet.
Artur Selmani – Përmbush kushtet për 15-vjet pune në prokurori. S’ka gradën shkencore në drejtësi. ILDKP ka sjellë informacion jo kalues. Nuk ka qenë bashkëpunëtor i sigurimit. Nuk ka dënime. Nuk ka as magjistrature e as gradë shkencore.
Besnik Muçi – Plotëson kriteret ligjore. Nuk përmbush kushtin me 15-vjet pune në Prokurori.
Ferdinand Elezi – Përmbush kriteret ligjore. S’ka qenë anëtar, bashkëpunëtor i Sigurimit të Shtetit. S’ka masë disiplinore.
Ermira Tafani – Plotëson kriteret ligjore. S’ka masë disiplinore.
Granit Shahu: Nuk përmbush kushtin e vjetërsisë prej 15 vitesh punë si prokuror.
Pas seancave dëgjimore të zhvilluar dy ditë më parë me kandidatët në garë, Ferdinand Elezi, Arta Marku, Besnik Muçi, Arqile Koça, Granit Shahu, Ermira Tafani dhe Artur Selmani, Instituti i Lartë të Deklarimit Pasurisë, ka dorëzuar pranë komisionit paraditen e sotme dokumentacionin e kërkuar sa i takon pasurive të tyre.
Komisioni i ligjeve i ka përcjellë Kuvendit raportin e detajuar, ndërsa do të jenë parlamentarët të cilët do të zgjedhin pasardhësin e Adriatik Llallës, mandati i të cilit ka mbaruar me 7 dhjetor.
Partia Demokratike dhe Lëvizja Socialiste për Integrim kanë paralajmëruar se nuk do të jenë në Kuvend, pasi e cilësojnë procedurën e zgjedhjes së Kryeprokurorit si një “puç” ndaj Kushtetutës, por nuk përjashtohet mundësia e ndërmarrjes së hapave të fortë duke kundërshtuar veprimet e qeverisë së Edi Ramës.
