Kryepeshkopi i Tiranës, Durrësit dhe gjithë Shqipërisë, hirësia e tij Anastasi ka reaguar për herë të parë për vrasjen e Kostandinos Kacifas. Reagimi i tij ka ardhur ndërsa familja e 35-vjeçarit Kacifas ka tërhequr mbrëmjen e sotme trupin e të ndjerit nga morgu në Tiranë.
Hirësia e tij Anastasi iu ka bërë thirrje të gjitha palëve që trupi i Kacifas të varroset sipas traditës fetare, duke bërë apel për paqe.
“THIRRJE
U lutemi të gjitha palëve që trupi i Konstandinos Kacifas të jepet për t’u varrosur sipas traditës fetare.
Të gjithë shpirtrat le të gjejnë paqen. Zhurma e papërgjegjshme le të ndalet dhe ngjarjet të shqyrtohen në vazhdim me objektivitet dhe respekt të ndërsjellë”, ka apeluar kryepeshkopi Anastas.
Babai, kunati dhe motra e të viktimës kanë tërhequr mbrëmjen e sotme trupin e të ndjerit pas aurotizimit të Prokurorisë së Krimeve të Rënda.
