Moldavia është “shumë e shqetësuar” nga mundësia e një pushtimi ushtarak nga Rusia. Kështu deklaroi kryeministrja e vendit, Natalia Gavrilita.
“Për momentin është një skenar hipotetik, por nëse veprimet ushtarake lëvizin më tej drejt pjesës juglindore të Ukrainës dhe drejt Odesës, padyshim që do të shqetësoheshim shumë”, tha Gavrilita, duke theksuar se trupat ruse janë tashmë “në rajonin e Transnistrisë”.
Kryeministrja shtoi se Kishinau “po bën gjithçka që është e mundur për të ruajtur paqen dhe stabilitetin dhe për të siguruar që armiqësitë të mos përshkallëzohen”.
Burimi i lajmit: TGcom24. Përshtatur nga Tirana Today
