Tubacioni, i cili lidh Rusinë me Gjermaninë nëpërmjet Detit Baltik, është goditur nga rrjedhje në dy pika, një ditë pasi një rrjedhje e ngjashme preku tubacionin e tij simotër. Asnjëra nuk është aktualisht në funksion.
Kryeministri polak Mateusz Morawiecki, i quajti rrjedhjet një akt sabotimi.
“Sot ne u përballëm me një akt sabotimi, nuk i dimë të gjitha detajet e asaj që ndodhi, por ne e shohim qartë se është një akt sabotimi, që lidhet me hapin tjetër të përshkallëzimit të situatës në Ukrainë”, tha ai gjatë hapjes së tubacionit të gazit Baltic Pipe midis Norvegjisë dhe Polonisë (një tubacion i veçantë që transporton gazin e Detit të Veriut në Poloni). Kremlini tha më herët se nuk e kishte përjashtuar sabotimin si një arsye, duke e quajtur dëmin “të paprecedentë”.
Burimi i lajmit: BBC. Përshtatur nga Tirana Today
