Kryeministri Rama ka shprehur qëndrimin e tij lidhur me ambasadorin amerikan, për të cilin tha se nuk është dakord me ato që thotë, por është dakord me ato që bën.
Këtë deklaratë Rama e bëri gjatë komunikimit javor në Facebook, ku u shfaq me një video mesazh.
Kryeministri foli për një sukses të dukshëm në luftën ndaj kanabisit, teksa tha se 2017-a do ta nxjerrë Shqipërinë nga harta e vendeve të kanabisit, si dhe njoftoi se qeveria do të miratojë nesër Task Forcen speciale në Policinë e Shtetit që do të marrë përsipër luftën kundër krimit:
Me ambasadorin amerikan nuk jam dakord me gjithçka çfarë thotë, por jam dakord me gjithçka që bën për Shqipërinë.
Po punojmë që në këtë operacion të na bashkohen edhe ekspertë të tjerë të huaj. Do luftojmë me krimin e organizuar dhe për t’ia kthyer popullit paratë e përfituara me anë të krimit. Do marrim kontrollin e burgjeve ku deri më sot ka bërë çfarë ka dashur tepsia.
Nesër do miratojmë Task Forcën në Policisë e Shtetit. Kjo strukturë do marrë përsipër operacionin me afatgjatë kundër krimit të organizuar. Natyrisht nuk do jetë sekret misioni i operacionit që është punuar prej 3 muajsh. Ky operacion do jetë një orë e të vërtetës për marrëdhëniet mes krimit dhe politikës. Mandati ynë i ri do mbyllet me disa suksese themelore për Shqipërinë që duam. Pra do jetë mbyllja e epokës së pandëshkueshme risë. Jam i bindur që do sjellë rezultate në procesin e reformës në drejtësi.
