Kryeministri izraelit, Benjamin Netanyahu, ka informuar presidentin amerikan Donald Trump mbi faktet për ish-programin sekret nuklear iranian në takimin në Uashington më 5 mars, deklaroi një zyrtar i paemëruar izraelit.
Trump është pajtuar që Izraeli të publikojë këtë informacion para datës 12 maj, deri kur duhet vendosur nëse SHBA-ja do të tërhiqet nga marrëveshja ndërkombëtare me Iranin, e cila është arritur në vitin 2015.
Netanyahu deklaroi sot se vendi tij nuk dëshiron luftë me Iranin, një ditë pas publikimit të informacioneve të cilat konfirmojnë përpjekjet sekrete të Teheranit për armatim nuklear, pavarësisht marrëveshjes ndërkombëtare për kufizimin e programit iranian.
“Askush nuk dëshiron një zhvillim të tillë. Irani është ai që po ndryshon rregullat në rajon”, tha Netanyahu për CNN, i pyetur nëse Izraeli është i gatshëm të hyjë në luftë me Iranin.
