Kryeministri Edi Rama duket se është shumë i kënaqur me kreun e Bashkisë së Tiranës, Erion Veliajn. Ditën e sotme, Rama ka zgjedhur që ta nisë pikërisht me një falendërim ndaj Veliajt.
Teksa ka publikuar një video të sheshit Skënderbej, i cili do të hapet sot, Rama e falendëron Veliajn, të cilin e quan “kryetar fenomenal të Tironës që dum”.
Së fundmi, kryeministri e mbyll me një kërkesë për kryeqytetin, ndaj të cilit pret një mandat të fortë në zgjedhjet e 25 qershorit.
Sheshi Skënderbej ka shkaktuar shumë reagime në rrjetet sociale, ku janë të shumtë skeptikët, ndërsa Veliaj e ka quajtur atë një nga sheshet më të bukura në botë.
POSTIMI I RAMËS:
MIRËMËNGJES ?
dhe ju uroj një ditë të mbarë me këto pamje nga xhevahiri më i madh i kurorës së Rilindjes Urbane, Sheshi Skënderbej, që do të rrezatojë nga sot e për shumë mote të tjera, dritën e pasionit dhe forcën e ambicies sonë për Shqipërinë që duam????
Një rilindje e vështirë, plot 10 vjet nga dita kur nisi rrugëtimin projekti më ambicioz urban i Shqipërisë demokratike, mes pengesash, bllokimesh, shkatërrimesh e arrnimesh dëshpëruese, por një rilindje e denjë për kryeqytetin e shqiptarëve të shekullit XXI⭐⭐⭐⭐⭐
Mezi pres të shkel sonte qilimin fantastik të thurur me gurë nga të gjitha trevat ku jetojnë prej shekujsh shqiptarët dhe të shijoj realizimin e një ëndrre që për shumë kohë ngjante e dënuar me vdekje?
Një faleminderit me mirënjohje të thellë, arkitektëve të jashtëzakonshëm, inxhinierëve të ndërtimit e të mjedisit, botanistëve, sipërmarrësit, punëtorëve, supervizorëve, e padiskutim, ekipit të dikurshëm që e nisi këtë aventurë fantastike dhe ekipit të sotëm të Bashkisë së Re të Tiranës, ku padyshim diferencën e bëri edhe njëherë, Lali Eri, kryetari fenomenal i Tironës që dum??✌?
Uroj megjithë zemër që në 25 qershor Tirana të na japë një mandat të fortë, për të bërë në katër vjetët e ardhshëm, së bashku me Lali Erin dhe ekipin e tij të shkëlqyer, katërfishin e punëve që kemi bërë në këta dy vjet të rizgjimit të fuqishëm të kryeqytetit tonë.
