Kryeministri Ramush Haradinaj është takuar me kreun e OVL të UÇK-së, Hysni Gucati. Gjatë këtij takimi, Haradinaj premtoi se do të punojë në mënyrë që pas rishikimit të buxhetit, pensionet e veteranëve të paguhen të plota.
Gjithashtu, Haradinaj tha se po punohet që familjet e dëshmorëve të kenë të drejtën e pensionit.
Gucati e përgëzoi Haradinajn për zgjedhjen në krye të Qeverisë, duke i uruar suksese në realizimin e synimeve dhe objektivave të tij.
Gjithashtu, ai shprehu vullnetin e organizatës për bashkëpunim të mëtejshëm me qëllim të përmirësimit të gjendjes dhe mirëqenies së veteranëve të UÇK-së, invalidëve të luftës dhe familjeve të dëshmorëve.
