Kryetarja e LSI-së Monika Kryemadhi ka folur në lidhje me sulmin me çizme në Kuvendin e Shqipërisë në momentin e betimit të Prokurores Arta Marku.
Ndërsa pyetjes se a mund të kthehet kjo në një sulm apo hakmarrje për Kryemadhin dhe LSI-në, përgjigja e saj ishte: “Fare mo, pse çfarë do më bëj mua ajo, do më fusi në burg. Ky është gabimi i Ramës dhe e ka përdorur si një kamxhik politik. Se si e ka ndërtuar këtë, do t’ju kthehet ministrave të PS, sepse po iu dalin edhe dosjet, kjo do t’u kthehet në surrat”-tha ajo në Report TV.
Krahas vlerësimit për Markun, Kryemadhi i bëri thirrje të mos futet në lojën e politikës pasi do të mbajë përgjegjësi të plotë. Sipas Kryemadhit, nuk është as Rama as Ulsi Manja dhe as Ermonela Felaj që do të mbajnë përgjegjësi për veprimet, por vetëm Arta Marku.