Monika Krymadhi, nga selia e LSI ka shpërthyer me një lum akuzash ndaj kryeministrit Rama. Ajo edhe një herë tjetër i ka mëshuar faktit se Rama është shkollëpak e injorant, dhe se është armiku i këtij populli. Po kështu, kryetarja e LSI-së i kërkon kyeministrit Rama që të mos luajë teatër, që bën sikur i qan zemra për studentët.
“Nuk do falim ty kryeministër shkollëpak e injorant, qe gjithë jetën tënd ke kopjuar fjalimet e të tjerëve. Që vetëm ke zhgaravitur, se vetëm vizatime nuk ke bërë”, tha ajo.
“Nuk do të falim, dhe nuk do të japim as bekime, por mallkimet e nënave të atyre vajzave që jetojnë në kushte mizerabiliteti. Nuk do të falim dhe ty mazhorancë, që përfaqëson krimin e organizuar për këtë krim që po i bëni brezit të ri”, tha ndër të tjera Kryemadhi.
