Deputetja e LSI-së, Monika Kryemadhi ka zhvilluar një takim me strukturat e LSI-së në Elbasan. Ajo akuzoi gjatë gjithë fjalimit të saj kryeministrin Rama se po bashkëpunon me kriminelët për t’u pasuruar.
Ajo kërkoi që të plotësohen kërkesat e studentëve nga qeveria, ndërsa shtoi se shqiptarët do ta largojnë Ramën.
Po ashtu, Kryemadhi bëri mea culpa, teksa tha se ishte gabimi i LSI-së që i dha mundësinë Ramës të bëhej kryeministër.
Fjala e Kryemadhit:
Rama ka dalë si dordolec për t’i bindur studentët. Si mund të ketë dialog kur sa merr fjalën thotë ju kam gënjyer dhe do vazhdoj të gënjej. Me një kriminel që përdor institucionin e shtetit, nuk mund të dialogosh.
Gjysmat e taksave që paguajmë ne, Rama thotë 46% do jua coj 10 oligarkëve e këta të marrin koncesionet e famshme. Oligarkët i fusin paratë te banka e gruas së Edi Ramës, gruaja e Edi Ramës i fut te xhepat e shqiptarëve.
Nga këto 46%, hiqi 0.5% dhe jepua shqiptarëve se nuk u bë nami. Erdhi duke u zvarritur për të marrë votat e LSI dhe u bë kryeministër, qëndroi duke sharë LSI-në,e duke kërkuar timonin e tepsinë. Kemi bërë gabimet tona dhe s’kemi frikë ta themi. Rama nuk ikën, Ramën do ta largojmë ne. Do e largojnë shqiptarët.
