Pas ndryshimeve në qeveri, opozita u turr për të hedhur akuzat e radhës. Komenti vijues vjen nga kryetarja e LSI-së, Monika Kryemadhi, e cila tha se sot ra qeveria e Surrelit. Ajo ka apeluar ndaj të gjithë socialistëve, që të marrin në dorë fatet e PS në dorë. Kryemadhi tha se me këtë lëvizje të Ramës, ai është gati për të rënë në humnerë.
“Ra qeveria e Surrelit, por sot mu krijua bindja përfundimisht që edhe PS u kthye në partinë e Surrelit. Qeveria e Surrelit ra, se mashtroi shqiptarët duke u thënë se do paguajnë taksa më pak, por paguajnë taksa më shumë.
U bëj thirrje socialistëve të ndershëm, të cilët sot Edi Rama i ktheu në parti të Surrelit që të reagojnë, të marrin fatet e PS në dorë. Nëse nuk e bëjnë ata, do ta bëjnë shqiptarët, sepse nuk do të lejojë njeri Edi Ramën që të përdhosë dhe nëpërkëmbë shqiptarët dhe fëmijët e tyre. Sot Edi Rama do vetëm një të fryrë, dhe është gati për të rënë në humnerën e tij, që u ka ndërtuar shqiptarëve”.
.
