Kryetarja e LSI-së, Monika Kryemadhi teksa ka folur për raportin e saj me prokuroren përgjithshme, Arta Marku e ka sulmuar atë duke e paralajmëruar që të jetë e kujdesshme.
Sipas saj, Arta Marku duhet të ketë kujdes të shtuar dhe mos të përdoret nga politika dhe nga qarqet e caktuara brenda PS-së. Teksa ka folur në emision “Repolitix” në Report Tv, Kryemadhi tha se nuk i dihet se çfarë ndodh nesër, kur nuk do të jetë në krye të Prokurorisë së Përgjithshme. Kryemadhi deklaroi se çdo veprim ose mosveprim, do të ketë një përgjegjës dhe sipas saj, është vetë prokurorja Marku.
E pyetur se veprimet e saj në Kuvend dhe hedhja e çizmes në drejtim të Ramës, mund të kthehen në një sulm për LSI-në nga Marku, ajo shprehet: “Fare mo, pse çfarë do më bëj mua ajo, do më fusi në burg. Ky është gabimi i Ramës dhe e ka përdorur si një kamxhik politik. Se si e ka ndërtuar këtë, do t’ju kthehet ministrave të PS, sepse po iu dalin edhe dosjet, kjo do t’u kthehet në surrat”-theksoi ajo.
Pjesë nga intervista
Sot kemi një prokurore, e cila është pa vetting. Ka shkelur ligjin në mënyrë flagrante, por sot nuk mban përgjegjësi se është e fortë, por nesër nuk ka për t’ia harrur shkeljen e ligjit. Pse çfarë mendon ti, mendon se ishte i pafajshëm.
Arta Marku ka bërë shumë gjëra, kemi rezerva ndaj saj, nuk mund të hyj drejtpërdrejt, por prokurorja duhet të jetë shumë e kujdesshme ndaj ndërhyrjeve politike, ose nga segmente të caktuar të Partisë Socialiste.Kjo nuk ka lidhje me indimidimi. Opozita është për vëzhguar, nëse prokurorja do ta vazhdojë luftën politike, por nëse do të bëj vetting ta bëj në prokurori, por nëse do të bëj reformë në drejtësi le të bëj. Prokurorja duhet të jetë e kujdesshme në lojën e saj. Nuk do të mbaj përgjegjësi as Edi Rama as Manja, por as Ermonela Felaj, por ajo është që do të mbajë përgjegjësi.
Sjellja e saj duhet të jetë profesionale dhe jo politike. Tani për hir të së vërtetës sot kemi edhe media sociale. Qytetari digjital është kudo, jo vetëm vendosin në pozitat e përgjithshme. Prokurorja e Përgjithshme është një grua shumë e mirë, ajo është zonjë e nderuar, por duhet të ketë kujdes dhe mos të përdoret politikisht.Ne jemi vigjilentë edhe për PD, edhe për anëtarët e tjerë dhe për deputetët e tjerë qoftë edhe brenda partisë sime.
Keni irritim ndaj prokurores?
Jo nuk kam, por shqetësimi im është të mos përdoret politike. Unë i bëj thirrje të mos bie pre e lufrave politike, por edhe lojërave brenda PS-së. E konflikteve të Gjiknuirit me Ballën, e Gjiknurit dhe Ahmetaj të ketë kujdes të mos merret me këto. Do të dëshiroja që Marku, ku mori një post shumë të vështirë, unë do të dëshiroja që mos vendoset në pozita të vështira, aq më tepër edh një nënë e re me fëmijën e vogël.
Ajo është zgjedhur në mënyrë kushtetuese, dhe betimin mund ta bën te në një seancë tjetër, por skishte pse ta bënte në atë rrethana shumë provokuese dhe të agra vuar. Kjo nuk i kushtonte asgjë Ruçit ta shtynte për një seancë tjetër. Komisioni i vettingut duhet ta kalonte në vetting Markun. Partia Socialiste mund t’ia impononte Arta Markun, mund t’i bëhej vettingu dhe të gjithë informacionet i kemi. Shqipëria kaq vend është .
Por mundet që gjesti juaj mund të kthehet nesër në një paragjykim nga zonja Marku në raport me ju dhe LSI-në?
Fare mo, pse çfarë do më bëj mua ajo, do më fusi në burg. Ky është gabimi i Ramës dhe e ka përdorur si një kamxhik politik. Se si e ka ndërtuar këtë, do t’ju kthehet ministrave, sepse po iu dalin dosjet, kjo do t’u kthehet në surrat.
