Në një konferencë për media, teksa bënte bilancet për vitin që po lëmë pas, kryetarja e LSI-së, Monika Kryemadhi tha se ky vit do të mbahet mend për dështimet e negociatave dhe protestat. Sipas saj, ky vit ishte mjaft i vështirë për shqiptarët, për shkak të korrupsionit dhe kapjes së qeverisë. Ndër të tjera, ajo solli në fokus protestën e studentëve, ku për të, ata janë shpresa e shqiptarëve.
“Së bashku humbëm një vit drejt hapjes së negociatave, për shkak të arrogancës. Humbëm një vit për shkak të korrupsionit, dhe kapjes së qeverisë.
Sigurisht që viti 2018 do të mbahet mend si viti i protestave, që nisi me protestën e opozitës dhe vazhdoi më tutje me protestën e naftëtarëve, me protestën e minatorëve, të biznesit të vogël. Protesta e studenteve solli shpresën e shqiptarëve.
Dhe ky vit përmbyllet me protestën e diasporës, për ti kthyer dinjitetin popullit të tyre. 2018 do të mbahet mend si viti i varfërisë, dhe u shtrëngon rripin të varfërve dhe u liron të pasurve”, tha Kryemadhi.
