Kryetarja e LSI-së, Monika Kryemadhi ka folur për protestën pak ditë para mbajtjes së saj. Ajo ka shpjeguar se vendit i duhet një qeveri tranzitore dhe jo teknike që iu garanton shqiptarëve disa gjëra, një prej tyre dhe çlirimi i politikës nga krimi dhe nga Niçet.
Duke folur në emisionin “Të paekspozuarit”, Kryemadhi dha se kryetari i bashkisë së Durrësit, Vangjush Dako duhet të ishte në burg dhe se Rama mund ta shkarkonte po të donte.
Kryemadhi: S’ka më qeveri teknike, por qeveri tranzitore që iu garanton shqiptarëve zgjedhje të lira e të ndershme, qeveri tranzitore që iu garanton shqiptarëve hapjen e negociatave. Ka një qeveri tranzitore dhe kalimtare e cila iu krijon shansin dhe mundësinë shqiptarëve për të çbllokuar dhe për çliruar politikën nga krimi i organizuar, pra nga ato, nga Niçja i madh dhe Niçja i vogël, nga Gjushi me të tjerë e me të tjerë me shokë.
Rakipi: Gjushi është fundi i kavallit.
Kryemadhi: Jo se nuk është fundi i kavallit Gjushi se Gjushi duhet të ishte në burg sot, por Gjushi vazhdon është kryetar Bashkie dhe ai është kryeministër. Sepse ai siç mund të shkarkojë gjithë kryetarët e bashkive po t’i dojë kokrra e qejfit, ai mund ta marrë Gjushin dhe ta shkarkojë dhe të krijojë mundësitë.
