Kryefjala e Afrikës është Salah, kurorëzohet “Futbollisti i Vitit”

Mohamed Salah është shpallur fitues i çmimit të akorduar nga “BBC”, si “Futbollisti Afrikan i Vitit”. Egjiptiani ka pasur një vit mjaft të suksesshëm si me klubin e tij Liverpool, po ashtu edhe me kombëtaren. Ai e nisi vitin duke e çuar Egjiptin në finalen e Kupën e Kombeve të Afrikës, ndërsa më vonë ndihmoi kombin e tij që të sigurojë kualifikimin e parë në Kupën e Botës, që pas Botërorit 1990. Ndikimi i tij për kualifikimin e Egjiptit për në Botërorin “Rusi 2018” ishte aq i madh sa u kurorëzua me emrin “Egjipti i Salah”, pasi shënoi 5 gola në shtatë fazat finale të kualifikueseve.Por Salah ka qenë kryefjala e sulmit që tek Roma, ku forma e tij e lartë bëri që Liverpool të arkëtonte 37 milionë paund në arkat e italianëve. Por në Premier League ai është kthyer në një nga sulmuesit më të mirë, pasi ka shënuar plot 20 gola në të gjitha garat, ku 13 janë shënuar në kampionat.“Unë do të doja ta fitoja këtë trofe edhe vitin e ardhshëm. Kam ndjekur gjithmonë rrugën time dhe dua që të gjithë në Egjipt të ndjekin rrugën time. Që kur jam larguar nga Egjipti, në mendjen time, dua të jem egjiptiani më i mirë. Unë punoj fort dhe tentoj të jem ndryshe për ata”, deklaroi Salah, për “BBC Sport”, pas marrjes së trofeut.Në garën për këtë trofe, Salah fitoi konkurrencën ndaj shokut të tij të ekipit te Liverpool, Sadio Mane, mesfushorit të ardhshëm të të kuqve, Naby Keita, yllit të Borussia Dortmund, Pierre-Emerick Aubameyang dhe futbollistit të Chelseas, Victor Moses. Ai është egjiptiani i parë i suksesshëm që nga koha e legjendarit, Mohamed Aboutrika në 2008, dhe futbollisti i parë i Liverpool, që nga koha e El Hadji Diouf në 2002. Fituesi i çmimit u publikua dhe njoftua të hënën pasdite si rezultat i votimeve të publikut në faqen zyrtare të “BBC”.