Kryebashkiaku i Londrës Sadiq Khan tha se Trump po bën të njëjtën propagandë në media si Shteti Islamik (ISIS). Khan ka krahasuar sulmet Tëitter të Donald Trump ndaj myslimaneve si strategji të njëjtë më ato synime të ISIS. Kryebashkiaku i Londrës ka qenë i hapur në kritikat e tij ndaj presidentit amerikan edhe më parë duke e cilësuar si injorant, transmeton Tirana Today.
Në një intervistë për “Intercept”, Khan tha se “gjuha e Trump është shumë e ngjashme me retorikën e përdorur nga ISIS.” Ai shtoi se një nga gjërat që grupi terrorist dëshiron të shohë është “rritje ndaj sulmeve islamofobike; ata duan një reagim kundër myslimanëve perëndimorë në mënyrë që të ketë përplasje”.
“Ne jemi në rrezik në qoftë se ndjekim ISIS për një ” përplasje të qytetërimeve”,”Perëndimi na urren”, janë disa prej shprehjeve retorike të gjuhës që Donald Trump ka përdorur,” tha Khan, duke iu referuar tendencave të Trump për të lidhur terrorizmin me Islamin, transmeton Tirana Today.
‘Perëndimi dhe Islami janë të papajtueshme’, ‘Ju nuk mund të jeni një amerikan krenar dhe një mysliman krenar“, thotë Trump në fjalimet e tij publike.
Kryebashkiaku i parë mysliman i Londrës tha se sulmet kundër myslimanëve aktualisht mund t’i shërbejnë vetëm agjendës së terroristëve, shkruan Rusia Today.
“Ata (terroristët e ISIS) duan që myslimanët të jenë viktima të sulmeve islamofobike, në mënyrë që ata të fillojnë të bëhen sa më të besueshëm duke përhapur propogandën e tyre duke thënë se nuk është e mundur të jesh një mysliman që respekton ligjet dhe një britanik apo amerikan që respekton ligjet “, tha Kahn. PËRSHTATI TIRANA TODAY
