(Daily Mail) Një baba filipinas ka bërë një gjest heroik, pasi ka shpëtuar djalin e tij nga goja e një krokodili i cili e kishte kafshuar. Ai ka kafshuar grabitqarin e rrezikshëm në këmbë derisa ka liruar djalin.
Diego Abulhasan, 12 vjeç, ishte duke notuar me vëllain e tij më të vogël në një lumë pranë shtëpisë në qytetin Balabac, në rajonin Palawan në Filipine, kur një krokodil e sulmoi dhe e tërhoqi atë nën ujë.
Babai i tyre Tejada Abulhasan sapo dëgjoi thirrjet për ndihmë, vrapoi në drejtim të lumit dhe u zhyt në të, i armatosur me një dërrasë. Z. Abulhasan filloi të godiste kafshën vrasëse me dërrasë vazhdimisht, por krokodili nuk po e lironte Diegon. I dëshpëruar që nuk po arrinte të shpëtonte djalin, z. Abulhasan kapi bishën dhe e kafshoi disa herë në këmbë, “si një Rottweiler”.
Në mënyrë të mrekullueshme, krokodili e liroi djalin dhe u zhyt në ujin e zymtë, dhe z. Abulhasan arrit të çonte djalin e tij të plagosur në breg dhe më pas ta transportonte në spital.
Abulhasan i tha policisë se ai ‘nuk hezitoi’ të hidhen në lumë dhe të luftojnë krokodilin. Ai tha: “Kam pasur aq shumë adrenalinë në trupin tim, saqë nuk kisha kohë për të menduar. Isha duke goditur krokodil, nuk do ta lija djalin tim. U përpoqa duke e goditur dhe më pas u pamë sy më sy me korkodilin.
Pastaj nga hiçi më erdhi ideja për ta kafshuar. Kam kapur këmbën dhe si një qen Rottweiler, e kam kafshuar disa herë atë.” Diego kaloi dy net në spital dhe më pas vajti në shtëpi. Ai ka marrë disa plagë, por jo lëndime serioze.
Shefi i policisë Sokrates Faltado, në rajonin Mimaropa (provinca Mindoro, Marinduque, Romblon dhe Palawan) tha: “Për fat të mirë dhe për shkak të guximit të babait të tij, viktima nuk u mbyt dhe ka pësuar vetëm disa plagë nga kafshimet e krokodilit.
Hetimet zbuluan se ndërsa viktima dhe vëllai i tij më të vogël po laheshin në lumë, krokodili papritmas e kapi nga krahu i majtë dhe e tërhoqi atë. Vëllai i tij më i vogël vrapoi dhe i tha babait të tij se vëllai ishte kafshuar dhe e kishte marrë krokodili.
Menjëherë babai i tij vrapoi drejt lumit, dhe u përlesh me krokodilin duke e shpëtuar djalin e tij vetëm me disa lëndime të lehta.” TIRANA TODAY
