Një incident mes dy lojtarëve ka ndodhur në ndeshjen e play-off të Champions League mes një kroati dhe një serbi. Ishte ndeshja AEK-Videoton ku Marko Livaja ka goditur me shkelm në kraharor serbin Danko Lazovic.
Livaja u ndëshkua me karton të kuq në ndeshjen e zhvilluar në Athinë, por ekipi i tij AEK u kualifikua në fazën e grupeve në Championsit edhe pse ndeshja përfundoi në barazim. Kjo falë fitores 2-1 që grekët kishin arritur në Hungari.
I gjithë incidenti ndodhi pasi futbollisti serb preku në fytyrë kroatin Livaja dhe ky i fundit nuk i përmban nervat por e godet menjëherë me shkelm. Ndërhyrja e shokëve të skuadrës bëri që sherri të mos merrte përmasa më të mëdha.
