Pas shkarkimit të drejtorëve të hipotekave, duket se vendi është në krizë për të gjetur profesionistët e duhur.
Ministrja e Drejtësisë, Etilda Gjonaj ka shfrytëzuar mediet për të bërë një njoftim lidhur me shtyrjen e afatit të aplikimeve për vendet vakante të zyrave të hipotekave, pasi aplikantët e deritanishëm nuk kanë plotësuar kriteret.
Fjala e Gjonajt:
Ministria e Drejtësisë ka bërë shpalljen e vendeve vakante për drejtues të zyrave të hipotekave. Ka pasur kandidatura tepër të dobëta, 25% nuk kanë plotësuar kriteret. Pjesa tj janë shumë të dobëta, nuk arrijmë të kemi në krye profesionistë. Jam detyruar të bëj edhe njëherë shpalljen e vendeve vakante duke e shtyrë afatin me 15 ditë dhe duke u bërë thirrje profesionistëve që të konkurrojnë brenda këtyre 15 ditëve. Ne jemi të gatshëm dhe garantojmë procesin meritokratik, asnjë qokë politike. Duhet t’u japim fund qokave politike që të rrisim cilësinë.
