Shtetasit e huaj do të lejohen t’i bashkohen ushtrisë britanike edhe pse mund të mos kenë jetuar kurrë atje. Ministria e Mbrojtjes britanike pritet të zbulojë një pjesë të planeve për të ndihmuar në frenimin e një krize.
Sipas saj po përkeqësohet rekrutimi i personave që përfshihen në forcat e armatosura.
Ministria e Mbrojtjes pritet të njoftojë të hënën se nuk do të kërkojë vetëm persona nga Australia, India, Kanadaja, Kenia dhe Fixhi që kanë jetuar në Britani për pesë vjet. Sipas saj persona të cilët kurrë nuk kanë jetuar në Britani mund të pranohen në ushtri.
Sipas politikës, rekrutët do të futen në të gjitha forcat, duke përfshirë Marinën Mbretërore dhe RAF. Aplikimet do hapen në fillim të vitit 2019.
Shpresohet se ndryshimet do të çojnë në një shtesë prej 1.350 personash që do i bashkohen çdo vit ushtrisë.
Ushtria do të fillojë procesin e pranimeve nga fillimi i vitit të ardhshëm, ndërsa marina dhe RAF do të fillojnë menjëherë. Aplikimet nga qytetarët e vendeve jashtë Commonwealth nuk do të pranohen.
Forcat e armatosura të Mbretërisë së Bashkuar kanë më pak se 8,200 ushtarë, detarë dhe personel ajror, një raport i gjetur më parë këtë vit. Kjo është mungesa më e madhe që nga viti 2010./TIRANA TODAY/
