Afganët po u japin fëmijëve të tyre të uritur ilaçe për t’i qetësuar, të tjerët kanë shitur vajzat dhe organet e tyre për të mbijetuar. Në dimrin e dytë që kur talebanët morën pushtetin dhe fondet e huaja u ‘ngrinë’, miliona janë një hap larg urisë.
“Fëmijët tanë vazhdojnë të qajnë dhe ata nuk flenë. Ne nuk kemi ushqim”, tha Abdul Wahab. “Kështu që shkojmë në farmaci, marrim tableta dhe u’a japim fëmijëve tanë që të ndihen të përgjumur”.
Ai jeton pak jashtë Heratit, qyteti i tretë më i madh i vendit, në një vendbanim me mijëra shtëpi të vogla balte që është rritur gjatë dekadave, të mbushura me njerëz të zhvendosur dhe të goditur nga lufta dhe fatkeqësitë natyrore.
Abdul është mes një grupi që u mblodhën rreth nesh. Ne pyetëm, sa u jepnin drogë fëmijëve të tyre për t’i qetësuar? “Shumë prej nesh, të gjithë ne”, u përgjigjën ata.
Mjekët thonë se kur u jepen fëmijëve të vegjël që nuk marrin ushqimin e duhur, ilaçe të tilla mund të shkaktojnë dëmtim të mëlçisë, së bashku me një sërë problemesh të tjera si lodhja kronike, gjumi dhe çrregullime të sjelljes.
Në një farmaci lokale, zbuluam se mund të blini pesë tableta të barnave që përdoren për 10 afganë (rreth 10 cent amerikan) ose çmimin e një copë buke. Shumica e familjeve që takuam po ndanin disa copa bukë mes tyre çdo ditë. Një grua na tha se hanin bukë të thatë në mëngjes dhe natën e zhytën në ujë për ta lagur.
OKB-ja ka thënë se një “katastrofë” humanitare po shpaloset tani në Afganistan. Shumica e burrave në zonën jashtë Heratit punojnë si punëtorë me pagë ditore. Ata kanë vite që bëjnë jetë të vështirë.
Por kur talebanët morën pushtetin gushtin e kaluar, pa asnjë njohje ndërkombëtare për qeverinë e re de-fakto, fondet e huaja që derdheshin në Afganistan u ngrinë, duke shkaktuar një kolaps ekonomik që i la burrat pa punë në shumicën e ditëve.
Në ditën që ata gjejnë punë, ata fitojnë pak më shumë se 1 dollarë (0,83 £). Kudo që shkuam, gjetëm njerëz që detyroheshin të merrnin hapa ekstremë për të shpëtuar familjet e tyre nga uria.
Burimi i lajmit: BBC. Përshtatur nga Tirana Today
