Nënkryetari i Lëvizjes Socialiste për Integrim, Luan Rama, gjatë mbledhjes së Komitetit Drejtues Kombëtar të LSI-së, ka folur për situatën e jashtëzakonshme që ka kapluar vendin.
“Klima politike është e tensionuar. Reformat e rëndësishme, përkatësisht reforma zgjedhore dhe reforma në drejtësi, janë bllokuar, ndërkohë që besimi qytetar te politika ka pësuar rënie alarmante”, tha Rama. Më tej, ai shtoi se kriza e bashkëpunimit mazhorancë-opozitë apo opozitë-mazhorancë prodhoi krizën politike.
Në fund të fjalës së tij, ish-ministri i Brendshëm citoi se vendi ka nevojë për zgjedhje, zgjedhjet kanë nevojë për zgjidhje. Zgjidhjet i ofrojnë udhëheqësit, jo udhëmbyllësit.
