Partia Demokratike i është përgjigjur pozitivisht ftesës së Fatmir Mediut dhe Agron Dukës për të marrë pjesë sonte në tryezën e partive parlamentare dhe do të përfaqësohet nga kryetari Basha.
Pas tentativave të ndërkombëtarëve dhe të mazhoranxës për zgjidhjen e krizës tashmë duket se partitë e vogla opozitare po kërkojnë të luajnë një rol në zgjidhjen e krizës politike që zgjat prej tre muajsh. Koalicioni i partive opozitare po bënë të gjitha përpjekjet për të gjetur një zgjidhje lidhur me krizën politike në Shqipëri.
Tryeza është thirrur nga PR dhe PAA dhe deri tani i janë përgjigjur pozitivisht Partia Demodratike, me përfaqësues Lulzim Bashën, Partia Demokristiane e Shqipërisë me përfaqësues Nard Ndokën, Lëvizja për Zhvillim Kombëtar me përfaqësues Dashamir Shehin, dhe Partia Libra me përfaqësues Ben Blushin.
Nuk ka asnjë deklaratë nga Partia Socialiste, Lëvizja Socialiste për Integrim dhe Partia për Drejtësi, Integrim dhe Unitet.
Ftesa e dy partive PR dhe PAA vjen pas letrës publike që kreu i PD-së, Lulzim Basha i dërgoi Ramës, ku i bënte thirrje këtij të fundit që të pranonte pa kushte paketën ‘McAllistër+’.
Dy partitë opozitare kanë thirrur, në orën 20:00, të gjithë kryetarët e për të diskutuar rreth zgjidhjes së krizës aktuale politike.
