Kryeministri Rama njoftoi sot se qeveria ka vendosur të diferencojë çmimin e energjisë elektrike për konsumatorët. Rama tha se kushdo që konsumon mbi 800 kwh, do t’i paguajë me çmimin real që kjo energji shitet në treg.
Nga ana tjetër, ministrja Balluku zbuloi se fasha e 800 kilovat orë do fillojë në 1 tetor, dhe do jetë në fuqi për 15 muaj, ku sipas saj do kursehen rreth 100 milionë euro.
“Sipas llogarive tona efektet e fashës 800 kilovat orë. Pra duke vendosur e fashës 800 kilovat orë në 15 muajt e ardhshëm, pra nga 1 tetori i 2022 deri në dhjetor të 2023 ne do të kursejmë 100 milionë euro. Gjithashtu parashikohet të kemi një ulje me 2.5 të konsumit të përgjithshëm të energjisë. Sigurisht ata që përdorin mbi 800 kilovat orë do të jetë çmimi që do të aplikojmë në të ardhmen.
Çdo kilovat orë mbi 800 kilovat orë, pra nga 801 kilovat orë e sipër, çmimi që do të aplikohet është 35 Lekë për kilovat orë plus 7 Lekë tarifat e transmetimit dhe shpërndarjes, një total prej 42 lekësh”, është shprehur Balluku.
Ministrja Belinda Balluku, në prezantimin e paketës së dytë të rezistencës sociale tha se çmimi i energjisë do të jetë 42 lekë kilovati për të gjithë ato që shpenzojnë mbi 800 kwh.
