Vajza e viktimës Fejzo Aliaj, i cili u vra nga djali i tij në mbrëmjen e 22 dhjetorit, ka dëshmuar në polici kundër babait, me arsyetimin se ai ishte një maniak seksual duke i dalë në mbrojtje vëllait Selman Aliaj.
“Prokurori i çështjes ka qenë personi që e bëri të ditur këtë pjesë të dëshmisë ditën e djeshme në sallën e gjyqit. Megjithatë, ai u ndërpre nga gjyqtarja, e cila i kërkoi që të lexonte vetëm provat për të pandehurin dhe jo dëshmi rreth viktimës”-shkruan Panorama.
Prokurori më herët lexoi edhe dëshmitë e të pandehurit dhe të nënës së tij. Të dy ata pohonin se Fejzo Aliaj, shte person i dhunshën dhe nuk sillej mirë me Selmani.Konfliktet në faniljen Aliaj nisi në kohën kur babai vendosi të fejonte djalin pa miratimin e këtij të findit.
Autori theksoi se babai më kë kërkuar që nusen ta ndanin bashkë, ndërsa kjo ka qenë një ndër arsyet e forta dhe më pas e ka goditur me çekiç pas koke dhe trupin e pa jetë të viktimës e ka hedhur në liqenin e Farkës. Ndërsa nëna e Selamit ka deklaruar se ka patur konflikte me djalin, të cilat sollën pasoja të rënda në familje. “Djali është fejuar me porosi të babait, pa marrë pëlqimin e tij” -ka shtuar ajo.
Sipas saj, autori i krimit në familje që nga momenti i detyrimit për t’u martuar nuk ka shfaqur gjendje të mirë, por konfliktet në familje shtoheshin çdo ditë dhe më shumë.
“Selmani është fejuar me porosi të të atit, pa marrë pëlqimin e tij. Që nga ajo kohë, djali nuk ka qenë shumë mirë. Ai ka pasur konflikte me të atin si për fejesën, por edhe për gjëra të tjera. Në momentin kur ka ndodhur krimi, unë kam qenë brenda në banesë. Kam dalë që t’i thërras të dy për të ngrënë darkë, por nuk kam gjetur njeri në oborr. Kam tentuar t’i telefonoj, si Selmanin ashtu edhe Fejzon, por nuk më janë përgjigjur. Vetëm kur kam parë njollat e gjakut në oborr kam njoftuar Policinë”, ka thënë nëna në Polici.
