Prokuroria e Krimeve të Rënda ka zgjatur hetimet me tre muaj për ish-ministrin e Brendshëm, Saimir Tahiri. Kujtojmë këtu faktin se afati për përfundimin e hetimeve për ish-ministrin skadoi dje. Shkak për shtyrjen e hetimeve vjen për disa veprime të tjera hetimore. Prokuroria deklaron se pritet përgjigjja për ndihmë juridike nga Mali i Zi, dhe përkthimi i akteve të marra nga Italia.
Aktualisht Tahiri po hetohet në gjendje të lirë. Ish-Ministri i Brendshëm akuzohet se ka bashkëpunuar me grupin e Habilajve për “trafikim të lëndëve narkotike” dhe “shpërdorim detyre”. Pavarësisht akuzave, Tahiri gjithmonë i ka mohuar ato. Ndërsa Prokuroria e Katanias pak muaj më parë vendosi pushimin e hetimeve pasi nuk gjeti prova për përfshirjen e Tahirit në “trafikun e drogës”.
