Ditën e sotme është regjistruar një ngjarje e rëndë në fashatin Gumenicë ku një shtetas ka qëlluar me sëpatë të afërmin e tij. Policia ka njoftuar se autori është arrestuar në kohë rekord.
Viktima është 37-vjeçari me inicialet A.V dhe autori i vrasjes është Dilaver Veshaj, 40-vjeç.
Njoftimi i policisë:
Vret me sëpatë të afërmin e tij, kapet dhe arrestohet në kohë rekord nga policia autori i ngjarjes.
Më datë 17.03.2018, strukturat policore të DVP.Vlorë kanë marrë njoftim se në fshatin Gumenicë, gjendet i pa jetë rreth 500 m larg banesës së tij shtetasi A.V., 37 vjeç.
Si rezultat i një punë të mirëorganizuar dhe bashkëpunimi ndërmjet DVP.Vlorë, Delta Forcë, është bërë e mundur zbardhja e ngjarjes dhe kapja në kohë rekord e autorit, shtetasit :
Dilaver Veshaj, 40 vjeç, banues në fshatin Gumenicë.
Nga veprimet hetimore paraprake dyshohet se të dy shtetasit janë konfliktuar me njëri-tjetrin për motive të dobëta, dhe më pas autori Dilaver Veshaj e ka goditur disa herë në kokë me mjet prerës (sëpatë), shtetasin A.V., i cili për pasojë ka ndëruar jetë.
Grupi hetimor po punon për zbardhjen e plotë të rrethanave të ngjarjes.
