Pas bisedimesh që kanë zgjatur me vite ministrat e Drejtësisë të 20 vende anëtare patën rënë dakord për projektin e një Prokurorie Evropiane. Tani edhe Parlamenti i BE-së në Strasburg e miratoi projektin për krijimin e një Prokurorie Evropiane. Deputetët miratuan me shumicë të madhe krijimin e këtij organi të ndjekjes penale, që i financuar nga BE-ja në vendet e veçanta anëtare do t’u kundërvihet mashtrimeve.
Prokuroria Evropiane (EPPO) do të veprojë jo vetëm kundër korrupsionit, pastrimit të parave dhe abuzimeve me paratë e BE-së, por edhe p.sh. kundër mashtrimeve me taksën mbi vlerën e shtuar në nivel ndërkufitar. Sipas të dhënave të Komisionit të BE-së vendeve anëtare vetëm prej abuzimeve me TVSH-në të paktën 50 miliardë Euro të ardhura nga tatimet në vit.
Ky autoritet i ri do ta ketë selinë në Luksemburg dhe do të nisë nga puna nga viti 2020. Përveç kësaj secili nga vendet pjesëmarrëse do të emërojë të paktën një prokuror të deleguar, i cili do të jetë aktiv në vendin e tij, por do të bashkëpunojë me Prokurorinë Evropiane shkruan Deutsche Welle. Tetë vende të BE-së nuk e përkrahin këtë nismë, ndër to edhe Polonia dhe Hungaria, që marrin veçanërisht shumë para nga BE-ja. Njëzëri u miratua ky autoritet i ri nga Gjermania.
Ministri gjerman i Drejtësisë , socialdemokrati Heiko Maas, vlerësoi, se hetimi dhe ndjekja penale në nivel kombëtar dhe evropian tashmë do të “harmonizohen dhe kësisoj do të bëhen shumë më efektive”. Politikani i ekologjistëve Jan Philipp Albrecht në intervistë për radion kombëtare Deutschlandfunk, e cilësoi këtë si një “sukses gjigant” në një fazë të vështirë për Evropën. Ndoshta, theksoi ai, mandati i EPPO më vonë mund të zgjerohet edhe në fusha të tjera si p.sh. në luftën kundër terrorit.
