Një amfib i verbër e sapozbuluar do të quhet zyrtarisht Dermophis donaldtrumpi, kjo në shenjë të mospranimit të ndryshimit të klimës nga presidenti Trump.
Emri u zgjodh nga shefi i EnviroBuild, kompani e materialeve të ndërtimit që pagoi plot 19.800 paund për të marrë të drejtën e emërimit.
Krijesa e vogël u gjet në Panama, ndërsa Aidan Bell i EnviroBuild tha se aftësia e amfibit për të futur kokën në rërë përputhej me qasjen e Trump për ngrohjen globale.
Ndryshimi i klimës tashmë po dëmton jetën e amerikanëve, nga zjarri në përmbytje, gjë që do të përkeqësohet, sipas një raporti të qeverisë amerikane të botuar në nëntor. Por, përgjigja e Trump lidhur me raportin ishte: “Nuk e besoj.”
Si një amfib, kafsha me shkëlqim është veçanërisht e ndjeshme ndaj ndikimeve të ngrohjes globale dhe prandaj është në rrezik të zhduket si rezultat i politikave klimaterike të saj, shkruan Rainforest Trust.
