Udhëheqësi i opozitës ruse, Alexei Navalny, nga burgu ka publikuar një sërë postimesh në Twitter, duke bërë thirrje për demonstrata të përditshme në të gjithë Rusinë dhe më gjerë.
Navalny ka kaluar një vit pas hekurave, pasi i mbijetoi një sulmi helmues për të cilin fajëson Kremlinin. Muajin e kaluar ai doli në gjyq me akuza të reja, që mund të rrisin kohën e tij të burgut për më shumë se një dekadë.
“Ne – Rusia – duam të jemi një komb i paqes. Mjerisht, pak njerëz do të na quajnë kështu tani”, shkruan ai nga burgu i sigurisë, në lindje të Moskës ku është i burgosur.
Por rusët duhet “të paktën të mos bëhen një komb njerëzish të frikësuar, të heshtur” që “bëjnë sikur nuk e vënë re luftën”.
“Është dekada e tretë e shekullit të 21-të, dhe ne po shikojmë lajme rreth njerëzve që digjen në tanke dhe shtëpi të bombarduara”, thotë ai. “Ne po shikojmë në televizorët tanë kërcënimet reale për të nisur një luftë bërthamore”.
Burimi i lajmit: BBC. Përshtatur nga Tirana Today
