Kreu i Federatës së Boksit të Afganistanit, Hamidullah Hamidi, është qëlluar për vdekje në kryeqytetin Kabul.
Zëdhënësi i policisë afgane, Ferdous Faramurz, për AA konfirmoi se sekretari i përgjithshëm i Federatës së Boksit të Afganistit, Hamidi, mëngjesin e sotëm u qëllua për vdekje nga sulmues të panjohur në zonën Khushal Khal.
Faramurz tha se është nisur hetim për të përcaktuar vrasësit dhe motivet para vrasjes.
Drejtoria e përgjithshme e sportit po ashtu ka konfirmuar incidentin, duke theksuar se figura e shquar e federatës, i cili po ashtu ka shërbyer si kreu i departamentit të taksave në Ministrinë e Financave, ishte qëlluar gjatë rrugës për në punë.
Muajin e kaluar, Mina Mangal, një gazetare e shquar, u qëllua për vdekje në qytet në mes të ditës. /AA
