Divizioni për Çështje Penale në Gjykatën Themelore në Prishtinë, ka vendosur të caktojë masën arrest shtëpie kundër të pandehurit, F.A, për shkak të veprës penale “Ndërprerja e palejuar e shtatëzanisë”.
“Gjykata ka marrë aktvendim dhe të pandehurit F.A iu është caktuar masa e arrestit shtëpie prej datës 07.02.2019 deri me datë 06.03.2019. Ekziston dyshimi i bazuar se i pandehuri F.A me dt. 15.01.2019 në kundërshtim me Ligjin 03/L-10 për ndërprerjen e shtatzënisë, në ordinancën e tij private specialisktike-gjinekologjike ka bërë ndërprerjen e shtatzënisë ndaj të dëmtuarës A.G”.
“Gjykata ka konstatuar se kërkesa për caktimin e arrestit shtëpiak është bërë duke pasur parasysh peshën e veprës penale, pasi që i pandehuri po të gjendet në liri, ekziston rreziku se i njëjti do të ndikoj tek dëshmitarët apo të arratiset me qëllim që ti shmanget përgjegjësisë penale”, thuhet në komunikatë.
Masë paraburgimi ndaj profesorit të Drenasit mbi dyshimet për abuzim me një të mitur
I pandehuri, F.A, gjinekolog, dyshohet se kishte kryer abort të jashtëligshëm në janar, ndaj një vajze nga Drenasi.
Viktima raportohet se kishte mbetur shtatzënë pas abuzimit seksual nga zyrtar i policisë, tek i cili kishte raportuar rastin e ngacmimit seksual të profesorit ndaj saj.
