Presidenti Meta, kryeministri Rama dhe kreu i Kuvendit, Gramoz Ruçi, për shkak të agjendës së ngjeshur pritet që të braktisin vendin njëkohësisht, duke u larguar në vizita zyrtare jashtë vendit. Meta do të zhvillojë një vizitë zyrtare në SHBA, kreu i Kuvendit, Gramoz Ruçi ndodhet në Gjermani ku do të zhvillojë edhe disa takime. Ruçi është i shoqëruar edhe nga kreu i grupit socialist Taulant Balla.
Sakaq, kryeministri Rama nga data 5 deri në datën 7 do të jetë në Emiratet e Bashkuara Arabe. “Protokolli i shtetit vihet në dijeni paraprakisht për çdo lëvizje të 3 personaliteteve kryesore jashtë vendit, në mënyrë ku vizitat koordinohen që të mos jenë të tre njëkohësisht”, thuhet në protokoll, i cili duket se është shkelur me të “dyja këmbët” nga krerët e vendit.
