Moska hedh poshtë pretendimet amerikane për sulm kibernetik nga ana e hakerave rusë ndaj agjencisë së lajmeve të Katarit.
“Është e papranueshme të reagosh ndaj banaliteteve të ngritura pa asnjë provë. Këto lloj akuzash diskreditojnë në fakt, ata që i ngrenë këto polemika”, deklaroi Andreï Kroutskikh, këshilltari i Vladimir Putin për sigurinë kibernetike cituar nga agjencia “Interfax”.
Ai i quajti akuzat të pabaza dhe të ngutura.
“Për fat të keq, pala amerikane nuk po sajon asgjë të re dhe kjo është arsyeja pse ata flasin për hakera. Është gjithmonë e njëjta histori e vjetër, si gjithmonë ka zero prova dhe përfundimet dalin përpara se hetimi të nisë”, shtoi Kroutskikh.
CNN, duke cituar një burim hetues amerikan, tha se hakera rusë janë shkaku i një sulmi kibernetik në fund të majit, kundër agjencisë zyrtare të lajmeve të Katarit me qëllim të shkaktojë ndasi mes SHBA-ve dhe aleatëve të saj.
