Kreu i Komisionit Qendror të Zgjedhjeve, Klement Zguri u ka bërë thirrje të rikthen në procesin e numërimit të votave të gjithë komisionerëve, pasi ndërprerja dhe pezullimi i procesit është në kundërshtim me ligjin.
Vendimet e disa komisionerëve në qarqe të ndryshme për të nisur procesin e numërimit të votave më vonë dhe në orët e para të mëngjesit me arsyetimin se janë të lodhur, duket se ka “acaruar” KQZ-në.
Zguri tha se do ketë edhe masa administrative ndaj atyre që largohen nga procesi i numërimit të votave.
“Po monitorojmë procesin në gjithë territorin procesin. Një pjesë të zonave kanë marrë vendimet për pezullim për ta rifilluar nesër sipas vendimmarrjeve përkatëse. U bëj thirrje gjithë komisionerëve se këto vendimmarrje janë në kundërshtim me ligjin. Argumentet e tyre janë me pretendimet se janë të lodhur. Vendimet e tyre nuk janë marrë në konsultë me KQZ.
U bëj thirrje të rikthen në procesin e numërimit të votave. Do ketë veprime administrative ndaj atyre që largohen nga numërimi. Ligji është i qartë dhe kërkon që procesi të jetë i pandalshëm. U bëj thirrje komisionarëve të mos ndalojnë procesin e numërimit të votave”- tha Zguri.
