Komisioni Qendror i Zgjedhjeve (KQZ) ka miratuar fondin paraprak për partitë politike për fushatën zgjedhore, teksa na ndajnë edhe dy ditë nga nisja zyrtare e saj.
Sipas KQZ-së, Partia Socialiste është ajo që përfiton më së shumti të ardhura nga ky fond, 55.8 milionë lekë.
Nga ana tjetër, Partia Demokratike do të përfitojë 33.3 milionë lekë.Partisë Lëvizja Socialiste për Integrim do i jepen 18.9 milionë lekë, ndërsa Partisë Drejtësi Integrim dhe Unitetet 5.5 milionë lekë.
Partitë e tjera marrin përkatësisht: 5.5 milionë lekë Partia për Drejtësi, Integrim e Unitet, 3.9 milionë lekë merr Partia Republikane, 1.4 milionë lekë Lëvizja për Zhvillim Kombiëtar, 1.4 milionë lekë Bindja Demokratike, 1.6 milionë lekë partia Socviademokrate dhe 2.1 milion lekë merr Fryma e Re Demokratike.
Në mbledhje u diskutua edhe për vendet se ku do të afishohen materialet e propagandës nga partitë politike. Kreu i KQZ-se, Ilirjan Celibashi tha se vendet për vendosjen e materialeve të propagandës caktohet nga Bashkia, më pas, vendimi i kryetarëve të bashkive, do të diskutohet në KQZ.
