Blerim Kotobelli është shprehur se Partizani tani do të shfaqet me një fytyrë tjetër dhe do të luftojë në fushë në çdo ndeshje. Të kuqtë kanë bërë një fazë të parë mjaft të dobët dhe kjo ka bërë që objektivat e vendosura në fillim të sezonit të venite. Nga objektivi madhor që ishte titulli kampion, tani do të kërkohet të arrihet pjesëmarrja ë Kupat e Europës. Ndërsa sa i përket ndeshjes me Kukësin, Kotobelli ka pohuar se kanë bërë një paraqitje dinjitoze dhe kanë reaguar mjaft mirë pas atij goli të shpejtë të pësuar. Ndeshjen e radhës Partizani e ka përballë Skënderbeut të vendit të parë dhe për Kotobellin, do të jetë një ndeshje si gjithë të tjerat ku ai dhe lojtarët e tjerë duhet të japin maksimumin nga vetja për të marrë rezultat sa më pozitiv.
Ndaj Kukësit skuadra përmbysët rezultatin duke treguat karakter.
U ndëshkuam shumë shpejt nga një 11-metërsh , por fatmirësisht grupi tregoj forcë karakteri duke e përmbysur rezultatin dhe siguruar një fitore me mjaft vlera.
Jeni rikthyer të jeni titullar në skuadër.
Po është e vërtetë kam qëndruar në stol gjashtë javë por futbolli i tillë është . Unë vazhdoj të punoj shumë të jap maksimumin në stërvitje dhe besoj se ndaj Kukësit dhurova një paraqitje mjaft të mirë. Shpresoj që të vazhdoj të ruaj këtë formë, pasi edhe trajneri Starova beson në aftësitë e mia dhe dua t’ia shpërblej këtë besim me paraqitje sa më pozitive. Jam gjithmonë në shërbim të trajnerit dhe skuadrës. Edhe pse ndaj Kukësit jam aktivizuar në një rol të ri për mua nuk përbën aspak problem , do të bëj më të mirën time në ndihmë të ekipit.
Skënderbeu kundërshtari i radhës.
Skënderbeu ka treguar deri tani në këtë sezon se është një skuadër e fortë. Nëse do të jemi të gjithë të bashkuar dhe do të luajmë si grup besoj se do të arrijmë një rezultat pozitiv të hënën. E vlerësojmë Skënderbeun si çdo skuadër tjetër të kampionatit ndaj edhe përballë korçarëve do të synomë fitore. Është e vërtet, në përballjen e fazës së parë nuk kemi zhvilluar një ndeshje të mirë ,por tashmë gjërat kanë ndryshuar shumë dhe besoj se ekipi do të dhuroj paraqitje pozitive në ndeshjet në vijim.
Cilat janë objektivat e Partizanit për pjesën e mbetur të sezonit?
Në fillimin e sezonit ne kishim objektiv titullin kampion, tashmë duhet të mendojmë të marrim maksimumin në ndeshjet e radhës dhe në fund të bëjmë llogaritë tona, mendoj se kryesore do të jetë të sigurojmë pjesëmarrjen në kupat e Evropës.
