Qeveria e Kosovës do të mblidhet sot për ta miratuar Projektligjin për ratifikimin e Marrëveshjes së demarkacionit me Malin e Zi, e cila do t’i kalojë Kuvendit për miratim.
Nuk përjashtohet mundësia që të njëjtën ditë të mblidhet edhe Kryesia e Kuvendit për ta futur në rend dite në seancë plenare.
Nuk dihet nëse qeveria do të kërkojë seancë të jashtëzakonshme, e cila mund të mbahet edhe sot sepse ne dy ditët në vijim janë të zëna. Të martën Kosova feston 9 majin dhe është ditë pushimi, ndërsa të mërkurën në rend dite do të jetë mocioni i mosbesimit për qeverinë Mustafa, i iniciuar nga partitë opozitare.
