Ministri i Shëndetësisë në Kosovë, Arben Vitia, ka paralajmëruar masa të reja ndaj të gjithë atyre personave të cilët e kanë neglizhuar vaksinën.
Teksa kishte marrë fjalën para deputetëve të Kuvendit të Kosovës, ai tha se tashmë ka vaksina të mjaftueshme, dhe se nuk ka asnjë arsye për tu mos u vaksinuar.
“Nuk mund të lejojmë që qytetarët të pa vaksinuar, për shkak të neglizhencës të kenë liritë e njëjta me ata që janë vaksinuar”, tha Vitia.
Ai bëri të ditur se nga e hëna janë në takime intensive për rishikimin e masave të reja, të cilat të gjitha do të jenë konform motivimit të qytetarëve për tu vaksinuar.
“Virusi Delta nuk po kursen tash as fëmijët. Janë shumë fëmijë të infektuar me valën e fundit, dhe ky është një alarm për qytetarët që të jenë të ndërgjegjshëm”, përfundoi ai.
