Kanë qenë të shumtë qytetarët nga Kosova, të cilët kanë zgjedhur që festën e Kurban Bajramit ta kalojnë në bregdetin shqiptar.
Sipas policisë së Kosovës, vetëm në 48 orët e fundit përmes pikave kufitare në Vërmicë kanë hyrë mbi 11 mijë kosovarë.
Ndërkohë, ka pasur edhe nga ata që në prag të kësaj feste kanë vendosur që të kthehen në Kosovë. Sipas të dhënave të siguruara nga Express, rreth 15 mijë kosovarë janë kthyer në vend para festës.
“Lidhur me interesimin tuaj, u njoftojmë se: më 29.07.2020, nëpërmes pikës kufitare Vërmicë kanë hy në vend 5045 persona dhe kanë dalë 8712, kurse më 30.07.2020, nëpërmes pikës kufitare Vërmicë kanë hy në vend 6633 persona dhe kanë dalë 6073”, thuhet në përgjigjen e policisë.
