Në Kuvendin e Kosovës është mbajtur interpelanca e kryeministrit Ramush Haradinaj, pas gjuajtjes me armë në një festë nga ministri i kabinetit të tij Dardan Gashi.
Haradinaj është tërhequr nga deklaratat e tij për gjuajtjen me armë të ministri Dardan Gashi, të cilin e arsyetoi me faktin se ne si popull kemi traditën tonë për të shtënë me armë në një festë të caktuar. Por deklarata e Haradinajt për “traditën”, duket se ka pasur bazë, pasi në festa të shqiptarëve shihen shpesh gjuajtje me armë, shpesh herë edhe e pa kontrolluar.
Një festë e tillë kishte tërhequr vëmendjen edhe të mediave të huaja, të cilat kishin publikuar një video ku shihen disa burra nga Kosova të mbledhur në një fushë, e ku përveç muzikës patriotike aty gjuhet me armë në mënyrë të pa kontrolluar. Në këtë festë, asnjëri nga të pranishmit nuk ishte pa armë, ndërsa pamjet ishin shpërndarë në pjesën më të madhe të botës.
