Albert Bunjaki, si ç’ishte thënë para dy sfidave të fundit që zhvilloi kombëtarja e Kosovës, në kualifikueset e botërorit, Rusi 2018, nuk do të jetë më trajner i kësaj përfaqësueses. Një natë më parë kreu i Federatës së Futbollit të Kosovës, Fadil Vokrri është takuar në mbrëmjen gala të ndarjes së çmimeve më të mirë të vitit nga FIFA, me legjendën e futbollit gjerman, Lothar Matthaus. Ky i fundit shihet së zëvendësuesi i Bunjakut në pankinën e përfaqësueses kosovare.
Matthaus e udhëhoqi si kapiten Gjermaninë Perëndimore drejt triumfit në Kupën e Botës në vitin 1990, dhe u shpall lojtari i vitit në Evropë po atë vit.
Në vitin 1991, ai u bë lojtar i parë ndonjëherë që fiton çmimin lojtari i vitit i FIFA-s. Si lojtar, ai ka luajtur për ekipe të mëdha evropiane si Bayern Munich dhe Inter.
Ndërsa si trajner, ai ka drejtuar ekipe kombëtare si Hungaria (2004-06) dhe Bullgaria (2010-11). Ai i ka drejtuar edhe skuadrat si Rapid Wien, Partizan Beograd, Red Bull Salzburg e të tjera.
