Përfundojnë ndeshjet e fundit në grupe për Ligën e Kombeve. Kosova ka marrë një fitore krenarie, teksa ka mundur Moldavinë me golin e Lirim Kastratit në minutën e 31. Belgjika ka mundur Danimarkën me rezultatin 4-2.
Holanda ka përmbysur shifrat e pjesës së pare, duke mundur Poloninë me rezultatin 1-2. Mesfushori polak “dogji” lojtarët e ‘tulipanëve’ me një sprint të frikshëm dhe shënoi pas një lëvizje magjike. Depaj në minutën e 77 nga pika e bardhë e penalltisë dhe Vajnaldum në minutën 84 i dhanë fitoren Holandës.
Italia ka bërë detyrën ndaj Bosnjes. Axurrët kanë triumfuar me rezultatin 2-0 kundër Bosnjes. Skuadra e Mançinit zhbllokoi ndeshjen me golin e Belotit në minutën e 22. Sulmuesi i Torinos realizoi fluturimthi.
Në minutën e 68, Italia realizoi edhe golin e dytë me Berardin. Italia do të organizojë fazën finale të Ligës së Kombeve.
Anglia ka mundur pastër 4-0 Islandën me golat e Rice në minutën e 20 dhe Mount, 4 minuta më vonë dhe dy golat e Foden në minutat 80 dhe 84.
