Kosova ka regjistruar një tjetër rezultat negativ. “Dardanët” e Shaland, u mposhtën me rezultatin 0-1 nga Sllovenia. Kosova nuk mundi të dilte nga stadiumi “Fadil Vokrri” me një rezultat pozitiv, pavarësisht lojës së mirë dhe rasteve të shumta të krijuara.
Goli i Vuçkiç në minutën e 22-të, vulosi sfidën e sotme, të vlefshme për Grupin 3 të Ligës C. Në 3 sfidat e zhvilluara “dardanët” kanë arritur të sigurojnë vetëm 1 pikë, po aq sa Moldavia. Sfidën e radhës përfaqësuesja e Shaland do ta luajë ndaj Greqisë në transfertë në datën 14 tetor.
