Festë në stadiumin “Fadil Vokrri”, Kosova bën detyrën dhe mposht Ishujt Faraoe për të marrë kreun e grupit. Një ndeshje që filloi me festë dhe e tillë u mbyll, fillimisht ishin tifozët në tribuna që shpalosën një koreografi mbresëlënëse me portretin e presidentit të ndjerë të Federatës Kosovare të Futbollit, Fadil Vokrri. Dhe kur lojtarët iu kërkua të zbrisnin në fushë dhanë maksimumin dhe morën një fitore 2-0.
Kosova ka kontrolluar ndeshjen që nga minuta e parë dhe ka dominuar gjithë takimin. Përpos rasteve të shumta të krijuara në pjesën e parë, në asnjë aksion nuk arritën ta dërgojnë topin në rrjetë. Vetëm 5 minuta pasi fillon pjesa e dytë është Arbër Zeneli që shënon një gol spektakolarë, për ti dhënë frymëmarrje ekipit, e për të ndezur atmosferën.
Nuk vonoi shumë dhe Kosovë e dyfishoi rezultatin. Këtë herë ai që shënon do të ishte Atdhe Nuhiu që nuk e gaboi topin e pasuar nga Amir Rrahmani. Deri në fund Kosova nuk lëshon terren dhe merre një tre pikësh me shumë vlerë në këtë kompeticion të ri.
Pas kësaj fitore, përfaqësuesja e Kosovës shkon në krye të grupit, pasi përballja tjetër mes Azerbjaxhanit dhe Maltës u mbyll në barazim 1-1. Kjo ishte sfida e parë zyrtare ndërkombëtare për Kosovën që e zhvillonte në stadiumin “Fadil Vokrri” në Prishtinë.
Ndërsa Italia është mposhtur nga Portugalia edhe pse luzitanët nuk kishin në fushë yllin e tyre, Ronaldon. Golin e shënon Andre Silva në pjesën e dytë, ndërsa Mancini nuk hedh në fushë asnjë lojtarë të Juventusit, pavarësisht se janë duke kaluar momentin më të mirë.
Ndërkohë në ndeshjet e tjera Mali i Zi ka mposhtur pa shumë probleme Lituaninë me rezultatin 2-0. Ndërkohë një ndeshje emocionuese në Serbi, teksa vendasit kanë barazuar 2-2 në derbin e Ballkanit me Rumaninë. Suedia dhe Turqia ka qenë një nga ndeshjet më të bukura me ndeshjen që ka përfunduar 2-3 pas dy golave të shënuar në minutat e fundit nga turqit. Andorra dhe Kazakistani kanë marrë nga një pikë në barazimin 1-1 ndërsa edhe Malta me Azerbajxhanin kanë barazuar 1-1.
