“Shefqet Ndroqi” u trondit në harkun kohor të pak ditëve nga dy ngjarje tragjike të vetvrasjes së dy pacientëve. Para pak ditësh i dha fund jetës një 29-vjeçar me koronavirus duke u hedhur nga godina e spitalit, dhe mbrëmjen e sotme një 65-vjeçar që merrte trajtim prej dy ditësh për Covid 19 u hodh nga kati i katërt duke gjetur vdekjen.
Mjekët thonë se Covid-19 shkakton haluçinacione te pacientët për shkak të nivelit të ulët të oksigjenit në tru, çka mund të çojë në akte vetëvrasjeje. Grupi hetimor ka nisur hetimet për zbardhjen e rrethanave dhe shkaqeve të ngjarjes së rëndë të shënuar mbrëmjen e sotme, 2 shtator.
