Një ditë përpara sfidës së Champions League ndaj Midtjyland, Ajaksi ka mësuar se 11 futbollistë të ekipit janë me koronavirus.
Klubi holandez ka bërë me dije se drejt Danimarkës do të udhëtojnë vetëm 17 lojtarë.
Media holandeze “AD” zbulon se futbollistët, Tadic, Klaassen, Onana, Stekelenburg e Gravenberch kanë mbetur jashtë grumbullimit e me shumë mundësi janë ata lojtarët e infektuar.
Ajaksi do të bëjë sërish një test ditën e nesërme për të kuptuar nëse këto përgjigje pozitive kanë qenë false dhe nëse lojtarët rezultojnë negativë do të udhëtojnë me skuadrën drejt Danimarkës.
